новы
тлумачэнне слова:
новы, -ая, -ае. 1. Набыты або зроблены нядаўна; які не быў ва ўжыванні раней. Новы дом. ▪ Новыя танкі стаялі роўным радам. Мележ. Сам Банадысь, высокі, у новым кажуху, .. ішоў побач з канём. Чорны. // Які не існаваў раней, які ўзнік, з'явіўся нядаўна. Новы горад. ▪ З учарашняга дня дзядзька Якуб — старшыня, а Санька — сакратар новай улады: сельскага Савета. Якімовіч. Перад вачыма стаялі вобразы новых знаёмых. Шамякін. 2. Адкрыты, вынайдзены нядаўна; раней невядомы. Новае лякарства. Новая планета. // Які не давялося зведаць; зазнаць раней. Новая радасць. ▪ [Зося] уся страпянулася ад прыліву новага .. і моцнага пачуцця і ўжо цвёрда рушыла ісці. Чорны. // у значэнне назоўнік новае, -ага, ніякі род Тое, што нядаўна ўзнікла, з'явілася. Старое аджывае свой век, на яго месца прыходзіць новае. Арабей. 3. Незнаёмы, малавядомы каму-н., дзе-н. Бераг .. [Пнівадкі] жыў новымі гукамі: стук сякер, шоргат піл, песні. Чорны. // Які нядаўна з'явіўся дзе-н., нядаўна займаецца чым-н. Ён чалавек новы на заводзе. 4. Які прыйшоў на змену ранейшаму, замяніў сабой тое, што было. Новы дырэктар. Новыя пасажыры. ▪ Так вось і загінуў бы ганарлівы ручай, калі б зноў не прыйшлі людзі і на месца высечанага лесу не пасадзілі новыя дрэўцы. Шуцько. // Чарговы, наступны. Трактар дайшоў да канца і, завярнуўшыся, заняў новыя барозны. Паслядовіч. Прырода радасна сустракала з'яўленне новага дня. Чарнышэвіч. 5. Які мае адносіны да нашай эпохі, часу. Новая гісторыя. ▪ Мы ідзём па зямлі, Людзі новага часу. Звонак. З першай рускай рэвалюцыяй звязана і нараджэнне новай беларускай літаратуры. Ярош. 6. Не той, што раней; іншы. У новым, іншым асвятленні Пісьмо ўсплывае перад ім. Колас. І вуліца, і людзі, і сонца здаваліся .. [Эміліі] новымі. Маўр. 7. Гэтага года, апошняга ўраджаю. Новым, ліпеньскім хлебам Запыліліся жорны. Броўка. 8. у значэнне назоўнік новае, -ага, ніякі род Навіна. Расказвайце, што ў вас новага? ••• Новы год глядзі год. Новы завет глядзі завет. Новы свет глядзі свет. Новы стыль глядзі стыль. Новыя мовы глядзі мова. Помніць да новых венікаў глядзі помніць. Спяваць на новы лад глядзі спяваць. Як баран на новыя вароты (глядзець) глядзі баран.
Русско-белорусский словарь «Скарнік» | слов в базе: 107141
А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я
Белорусско-русский словарь «Скарнік» | слов в базе: 112462
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
Тлумачальны слоўнік беларускай мовы | слоў у базе: 96698
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
el-skrynka: lit.serge2@gmail.com