востры
тлумачэнне слова:
востры, -ая, -ае. 1. З завостраным канцом або краем. Востры канец палкі. ▪ Свежыя адбіткі вострых капытоў.. сведчылі, што гэта была не здань, а жывы, рэальны алень. В. Вольскі. // Добра навостраны. Серп востры, аж кусаецца, як спрабуе яго пішчыкам пальца Яніна. Мурашка. 2. Які звужвацца пад канец. Востры твар. Вострыя насы туфель. ▪ Над галавою,.. з свістам рассякаючы паветра вострымі крыламі, праляцела качка. Нікановіч. 3. пераноснае значэнне Які выразна і моцна адчуваецца, праяўляецца. Вострыя пачуцці. ▪ У Шуры да дэсантнікаў вострая цікавасць, але падступіцца да іх нельга. Навуменка. Разгубленасць саступіла месца вострай трывозе. Лынькоў. 4. пераноснае значэнне Добра развіты, тонкі. Востры зрок, нюх. Востры розум. // Праніклівы, пранізлівы. З-пад .. брывей.. бліснуў востры, як лязо брытвы, позірк. Лынькоў. 5. пераноснае значэнне Дасціпны, з'едлівы. Вострае слова. ▪ Чалавек з вясёлым характарам, аматар дасціпнага слова, вострага жарту, Міхаіл Сярмяжка ўмее знаходзіць сцежку да чалавечага сэрца. Дадзіёмаў. 6. Не прэсны, з вялікай колькасцю солі, спецый. Вострыя прыправы. Востры сыр. // Рэзкі. Востры пах. ▪ Лёгкі подых ветру нёс востры смалісты водар прасохлага на сонцы бярвення. Дуброўскі. 7. Які бурна развіваецца, рэзка адчуваецца (пра хваробы); не хранічны; раптоўны, моцны. Вірусны грып — вострая інфекцыйная хвароба. Востры апендыцыт. ▪ Нагу працяў нясцерпны, востры боль. Гамолка. 8. пераноснае значэнне Вельмі напружаны, крытычны. Вострая сітуацыя. Вострае становішча. ▪ Крапівінскія байкі прыцягвалі і прыцягваюць перш за ўсё сваім трапным словам, жывым вострым дыялогам. Казека. ••• Востры язык глядзі язык. Востры на язык — пра чалавека, які ўмее дасціпна, колка сказаць. Згладзіць вострыя вуглы глядзі згладзіць.
Русско-белорусский словарь «Скарнік» | слов в базе: 107141
А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я
Белорусско-русский словарь «Скарнік» | слов в базе: 112462
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
Тлумачальны слоўнік беларускай мовы | слоў у базе: 96698
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
el-skrynka: lit.serge2@gmail.com